Så

Cocktailparty. Alt for mykje sprit. Vill dansing. Hopping i buskar på Møhlenpris. Klatring i tre i Botanisk hage.

Det ville vore verdas beste kveld, om det ikkje var for at ein plass mellom hopping i buskar og klatring i tre valgte mobilen min å takke for seg. Eg har ikkje sett den sidan. Og det på tross av at eg laurdags natt og søndag tilbrakte usunt mykje tid i nemnde busk for å prøve å finne den att.

Merkeleg nok har eg ikkje merka så godt at eg plutseleg har blitt veldig utilgjengeleg. Det som derimot er veldig surt er alle dei koselege bileta, meldingane og lydklippa som forsvant med mobilen.

Nokon som har sett ein svart LG Viewty? Den er djupt sakna.

Molekylær gastronomi

Oh yes. Eg har lenge lurt på om det gjekk an å gjere noko som helst ved kjemi spanande for andre enn oss som studerar det. I dag fann eg ut at, ja, det er faktisk mogleg.

Eg har nemleg vore på foredrag med Martin Lersch, doktor i kjemi og mannen bak sida khymos.org. Følgjer du lenkja vil du sjå korleis kjemi kan brukast til noko veldig håndfast, og ikkje minst spanande: matlaging. Dei kallar det molekylær gastronomi, og det dreiar seg rett og slett om å utnytte kunnskap om korleis protein og andre bestanddelar i mat reagerar på (til dømes) temperatur, når ein lagar mat. Visste du for eksempel at temperaturen som trengs for det perfekte hardkokte egg ligg mellom 60 og 80 grader? Eller at ved å tilsette litt stivelse til fruktjuice, og dryppe denne ned i varmt vatn, kan du få bittesmå perler med juice inni? Det siste er illustrert på biletet over.

Interessant, lettfatteleg, og ikkje minst: eksperimentering er relativt ufarleg. Og gjett om eg fekk lyst til å prøve ut alt han prata om! Problemet er berre å få tak i ei vakuummaskin og eit temperaturregulerande vassbad…

Når eg først er inne på nerdesporet, kan eg jo legge til at som ei følgje av statistikkgruppe klokka åtte i dag tidleg, foredraget som med påfølgjande pizzaeting varte til åtte om kvelden, og fleire forelesningar og masse henging i kantina i mellomtida, har eg i dag vore inne på Realfagsbygget i tolv timar. Det trur eg må vere ny rekord.

Den raude dronninga

Det er ganske pussig å sitte på eksamen i evolusjonslære, og bli bedt om å definere “Den Raude Dronninga”. For, ja, det er faktisk den raude dronninga i Alice i Eventyrland det er snakk om. Eg trudde det berre var forfattarane av læreboka som brukte ho, og sitatet “du må løpe så fort som bare det, for å forbli på samme plass”, som eksempel på drivkraft bak evolusjon. Etter litt googling, visar det seg at det faktisk er ein heil teori. Plutseleg lurar eg på om svaret eg gav på eksamen ikkje var heilt riktig. Men men. No har eg i det minste fått dei ekstra studiepoenga eg trengte, og kan fokusere fullt ut på mine tre noverande fag. Og til helga blir det konteeksamensfest, hurra!

Statusrapport

Dagens stress:

Dagens dings:

Dagens Årets fantastiske:

Dagens deprimerande:

Dagens middag:

Dagens rosablogger:

Host-hark STAT-MAT

Så. Eg er forkjøla, halvparten av alle andre eg kjenner er forkjøla, og eg trur det store håpet i gjengen er at sjukdommen er av typen svin. Kanskje vi har blitt smitta av ein mild versjon? Etter å ha gått rundt i svime sidan onsdag, og prøvd å få gjort alt eg skulle i statistikk og matte med ein hjerne som går på på halvt batteri, er eg ikkje særleg positiv til tanken på å ligge pal med influensa om ein månad. Det kjipaste med å gå på universitetet er at ein ikkje kan sjukmelde seg. Blir ein sjuk, går ein glipp av undervisning og lesetid som det er veldig vanskeleg å ta igjen. Med mindre foreleser òg blir sjuk, og det er jo ikkje er så veldig sannsynleg.

Usj. Ordet “sannsynleg” gir med hovudverk. Kominasjonen STAT110 og MAT111 er grusom, og eg er er så sjukt imponert over alle dei som tar sistnemnde fag første semesteret på MatNat. Det er så vanskeleg og tidkrevande at det må vere tungt, sjølv kombinert med Ex.Phil.

Uansett. Eg trur poenget med dette innlegget skulle vere at eg er nedsnødd i arbeid og virus, og derfor blir det lite blogging framover.

Dagen derpå

Eg har ei stund trudd at du sjølv måtte legge inn bloggen din for å få den linka på VG sine artiklar. I går fekk eg vite at, nei da, dei har eit trackback-system. Det er altså nok å berre linke til artikkelen i innlegget, noko eg gjorde i “Tankar kring Kongo“. Resultatet vart 400 besøkande, og kommentarar av denne typen:

afrikanere er og blir grådige, de finner på stadig nye veier for å bli rike på. Mannfolkan i afrika gidder knapt å løfte ræva for å brødfø familien sin, de tenker kun på en ting og det er å tilfredstille seg selv.
Det err kun kvinnene som har ryggrad nok i de landene, bare se på hvem som bærer ting, lager mat etc. Mannfolkan e og bli udugelig.
Men en ting ska de ha, grådighet og tiggisme etc, ingen slår dem på det

Koseleg, eller kva? Denne, og fire liknande valgte eg å ikkje godkjenne. Dei hadde ingenting med innlegget mitt å gjere, og var proppfulle av rasisme. Rett og slett kvalmande, og det gjer det lite fristande å linke til VG igjen.

Tankar kring Kongo

Denne artikkelen var ganske interessant å lese, om kanskje det største problemet i Kongo-saken. Nemleg at dei to landa involvert ikkje forstår kvarandre. Vi dømmer Kongo ut i frå norsk standard, dei følgjer sine normar og reglar i rettssaken mot Moland og French. Overskrifta til artikkelen forklarar (det frå norsk synspunkt latterlege) kravet om 3000 milliardar kroner: “Høy erstatning kreves i tilfelle noen er så dumme at de betaler.” Kongo veit at Noreg har mykje pengar, men kanskje ikkje kor mykje, sidan kravet er på 1,5-gongar oljefondet.

Kulturforskjellar til side, eg tykkjer det er tragisk at skyldsspørsmålet har drukna heilt i pengekrav. Eg er på langt nær sikker på at Moland og French er uskuldige, men kan sympatisere med frustrasjonen dei følar over måten rettssaken har blitt gjennomført på. Likevel har standarden på denne rettssaken vore mykje høgare enn om det hadde vore kongolesarar på tiltalebenken. Om ikkje anna har det no blitt retta søkelys mot kor svak rettssikkerheten er i land som Kongo, og når folk argumenterar for at Moland og French bør bli prøvd for internasjonal domstol, følar eg veldig for å sei: kva med resten av lovbrytarane i landet?

Dei har ikkje ei regjering i heimlandet som vil redde dei frå dødsdom.

Min nye venn

I løpet av helga spreidde det seg eit rykte blant MatNat-folket. Et rykte som førte til mykje latter, aww-ing og utbrudd av “eg òg vil ha!”. I dag gjekk turen sporenstreks til Studia, der vi gjorde eit djupdykk i kassen med Giant Microbes. Der kunne vi hilse på alt frå malaria til hjerneceller, til søte, rosa kyssesyken. Valget mitt fall på ein grøn liten kar, og utan noko meir om og men kan eg herved introdusere:

Klamydia! Denne vesle fyren er forstørra ein million gongar, funkar perfekt som både antistressball og til å kose med, og som ein bonus kjem han med eit artig lite faktahefte, der det står alt ein treng å vite om bakterien. Lærerikt OG morsomt, med andre ord, men kanskje ikkje noko du vil gi til dine yngste slektningar.

Nerdeting, kjekke ting, and all of the above.

Første studieveke har for meg involvert:

• Komplekse tal. Visste dere at i² er lik -1?
• Deskriptiv statistikk. Du veit, histogram. Slike som vi lagde på ungdomsskulen.
• Polynomdivisjon. Dette kan eg ikkje redusere til ein liten, deskriptiv setning. Også: det er eit helvete.

I tillegg har eg laga til KFU-galleriet, og lagt ut bilete frå rebusløpet. Nokre fleire av flabongo-affæren og av alle dei andre, flinke faddergruppene.

Og sist men ikkje minst hadde eg i går kommodevorspiel, for å innvie min nye, fine, sjølvmonterte Hemnes-kommode. Det var kjempekos, spesielt sia jentene hadde med seg mange små pakkar med ting til å ha i den. Eg kjem nok ikkje til å mangle strømpebukser og sokkar med det første!

Glugg-glugg-glugg

På lista over ting ein kan bli utsatt for når ein sit på stand i fadderveka: ølbong forma som ein flamingo.

Flabongo.

Faddergruppa hadde mafiatema, i tilfelle dere lurar på om det er vanleg å utføre drikkepress med våpen på MatNat. Og med tanke på kor mange stands dei allereie hadde vore innom med dei flabongoane, seier eg berre ein ting: Svineinfluensa neste.